અજ્ઞાની, તારા અંતરમાં દેખ વિચારી !

અજ્ઞાની, તારા અંતરમાં દેખ વિચારી !

અંત સમે કોઈ કામ ન આવે, સગાં-કુટુંબ-સુત–નારી રે. અજ્ઞાની૦

જોબને ધનનું જોર જણવે, ફાટી આંખે ફરતો;

કાળ કરાળ કઠણ શિર વેરી, દિલમાં કેમ નથી ડરતો રે? અજ્ઞાની૦

માલ–ખજાના મંદિર મેલી, મૂઆ ભૂપ મદમાતા;

શ્વાન-શૂકરના દેહ ધરીને, ઘર ઘર ગોથાં ખાતા રે. અજ્ઞાની૦

આજ અમૂલખ અવસર આવ્યો, હરિ ભજવાનું ટાણું;

‘દેવાનંદ’ કહે દેહ મનુષ્યનો ન મળે ખરચે નાણું રે. અજ્ઞાની૦

Agyani, tara antarma dekh vichari