માયા ન મૂકે કેડો !

માયા ન મૂકે કેડો !

હરિ શું કરું રે ! મારો ! માયા ન મૂકે કેડો !

કોટિ કલ્પ સુધી એણે ભમાવ્યો, ભમું હજુ નહિ છેડો;

મુજથી ન છૂટે, ન આપ છોડાવો ! મારો કયે ભવે નિવેડો? હરિ૦

સેવા–સમરણ–કામ કરું, મારો ક્ષણુંએ ન છાંડે કેડો;

શું ગજું મારું, અવિદ્યા જીતી? કરું ચરણકમળે નેડો. હરિ૦

આપ વિના એના સૌ ચેલા, કોને કહું: દુઃખ ફેડો?

દાસી તમારી એ જાય પ્રેરો જ્યાં, પાછી ફરે જ્યારે તેડો. હરિ૦

કરગરી કહું છું કૃષ્ણ ! કૃપાનિધિ ! ચરણે પડ્યો ન ખસેડો;

માયા કાળ-અગ્નિથી બચે ‘દયો’! શ્રીકૃષ્ણ ! કૃપાજળ રેડો! હરિ૦

Maya n muke kedo