રહોને પવનાં પલ ઘડી

રહોને પવનાં પલ ઘડી

રહોને પવનાં પલ ઘડી, તમે રહો આજની રાતડિયાં;

મારા દિલની બૂજ વિનંતી, કરી લે હંસા વાતડિયાં.

કમર બાંધીને હાલ્યો હંસો, કાયાનગરી તરછોડી;

મરતલોકમા હુવો સંગોળા, આવ્યો આપણે દો જોડી. રહોને૦

આ કાયાને લાડ લડાવ્યા, બહુ જતને કરી જાળવિયાં?

તમે ભાર ભરી હાલ્યા પ્રાણિયા, અમને કોને ભાળવિયા. રહોને૦

કાયાસુંદરી રૂવે રુદન કરી, અમે અબળા બહુ તરવરિયાં;

વા'લે અમને મેલ્યાં વનમાં, ગયો આતમા રડવડિયાં. રહોને૦

સગું કુટુંબ તને લૂંટવા લાગ્યું, સોળસેં વાઘા સજી કરી;

તમે રાણિયા હાલ્યા પ્રાણિયા, મસાણ ભોમે પરજળિયાં. રહોને૦

આયા રઘુપતિ છેડે પ્રાણિયા, ઉજ્જડ કરો હો ગામડિયા;

‘દાસ જયરામ’ રામને શરણે, ગુણ ગાઈ ચરણે પડિયાં. રહોને૦

Rahone pavana pal ghadi