શું રે થયું છે વ્રજનારને

ઓધા, શું રે થયું છે વ્રજનારને રે?

મહી સાટે વેચે છે મેરારને રે ! ઓધા૦

ગોપી પ્રેમે મંદિરમાંથી નીસર્યા રે;

એના શરીરની શુદ્ધ-બુદ્ધ વીસર્યા રે. ઓધા૦

એવી આતુરતા લાગી એને અંગમાં રે;

મારો વાં'લો બિરાજે એના સંગમાં રે. ઓધા૦

કંઈક કામણ થયું છે એને વાટમાં રે;

બહુનામી બિરાજે એના માટમાં રે. ઓધા૦

‘નરભેરામ’ના સ્વામીની એ રીત છે રે;

મારે પૂર્વ જન્મની પ્રીત છે રે. ઓધા૦

Shu re thayu che vrjnarne