તારા મનમાં જાણે છે મરવું નથી રે

તારા મનમાં જાણે છે મરવું નથી રે,

એે નિશ્ચય કર્યો નિરધાર; તેમાં ભૂલી ગયો ભગવાનને રે.

ધન, દોલત, નારી ને ઘણા દીકરા રે, ખેતીવાડી, ઘોડી ને ઘરબાર ! તેમાં ૦

મેડી-મંદિર, ઝરૂખા ને માળિયાં રે, સુખદાયક સોનેરી સેજ ! તેમાં૦

ગાદી, તકિયા, ને ગાલમસૂરિયાં રે, અતિ આડ કરે છે એ જ ! તેમાં૦

નીચી ખાંધ કરીને નમતો નથી રે, એવું સાધુ સંગાથે અભિમાન ! તેમાં૦

મરમાળી મેહનજીની મૂરતિ રે, તેની સાથે ન લાગેલ તાન ! તેમાં૦

પા૫ અનેક જન્મનાં આવી મળ્યાં રે, તારી મતિ મલિન થઈ મંદ ! તેમાં૦

‘દેવાનંદ’ના વા'લાને વીસરી ગયો રે, ત્યારે ગળે પડ્યો જમફંદ ! તેમાં૦

Tara manma jane che marvu nthi re