રેખ્તા
હિન્દવી
સૂફીનામા
રાજસ્થાની
વાડી રે વેડીશ મા
waDi re weDish ma
જીવણ સાહેબ
જીવણ સાહેબ
વાડી રે વેડીશ મા હો!
મારી રે વાડીના ભમરલા!
વાડી વેડીશ મા!
મારી રે વાડીમાં માન સરોવર
ન્હાજે-ધોજે પણ પાણીડાં ડહોળીશ મા!
વાડી રે વેડીશ મા!...
મારી રે વાડીમાં ચંપો ને મરવો
ફોરમું લેજે પણ કળિયું તોડીશ મા!
વાડી રે વેડીશ મા!
‘દાસી જીવણ’ કહે ભીમ કેરાં ચરણે
સરખે સરખી જોડી રે તોડીશ મા!
વાડી રે વેડીશ મા!...
સ્રોત
- પુસ્તક : વસ્તુ અમૂલખ (પૃષ્ઠ ક્રમાંક 15)
- સર્જક : ફારૂક શાહ
- પ્રકાશક : 'નવનીત સમર્પણ' ઓક્ટોબર
- વર્ષ : 2012