રેખ્તા
હિન્દવી
સૂફીનામા
રાજસ્થાની
ગાઓને પ્રેમ તણાં ગીત.
બાલવીર, ગાઓને પ્રેમતણાં ગીત.
જીવનનું એ છે નવનીત બાલવીર....બાલવીર....
શાને આ વેરઝેર? શાને આ ભેદભાવ?
શાને આ ઠેરઠેર, ચાલે છે પેચ-દાવ?
ભૂલે કાં માનવી ભીંત? બાલવીર....બાલવીર....
એક ગીત એક તાલ, એક પંથ એક ચાલ,
એક બની પંખીડાં, કિલ્લોલો ડાળડાળ.
સાચા જીવનની એ રીત બાલવીર....બાલવીર....
ફૂલ બની આપણે દુનિયાના બાગમાં
ભરીએ મીઠી સુવાસ, દિલના પરાગમાં
મમતાની કરવાને જીત બાલવીર....બાલવીર....
સ્રોત
- પુસ્તક : મઘમઘાટ (પૃષ્ઠ ક્રમાંક 52)
- સંપાદક : કનૈયાલાલ જોશી, કાંતિ કડિયા
- પ્રકાશક : હાર્દિક પ્રકાશન
- વર્ષ : 1982