રેખ્તા
હિન્દવી
સૂફીનામા
રાજસ્થાની
બીક
beek
ભાગ્યેશ જ્હા
ભાગ્યેશ જ્હા
એને
મરણની અસર નથી થતી,
સ્મરણની પણ અસર નથી,
વરસાદમાં પલળે પણ ન ઉચ્ચરે કશું
ઉત્સવ જેવું પણ ન પ્રગટે કશું એનામાં,
આનંદ કે આંસુનું પણ
નથી નામોનિશાન આના ચહેરા પર,
મને બીક છે,
કે
આપણા નગરને ચાર રસ્તે ઊભેલી
આ પ્રતિમા
ક્યાંક માણસ ન થઈ જાય.
સ્રોત
- પુસ્તક : ગુજરાતી કવિતાચયન 2006 (પૃષ્ઠ ક્રમાંક 59)
- સંપાદક : વિનોદ જોશી
- પ્રકાશક : ગુજરાતી સાહિત્ય પરિષદ
- વર્ષ : 2009