જો હું મેયર હોત

જો હું મેયર હોત

વિચારું છું

જો હું મેયર હોત

તો રસ્તાની બંને બાજુ

ખસની ટટ્ટીઓ હોત,

વીજળીના થાંભલાની માફક

પંખાના પણ થાંભલા હોત

ત્યારે આ બળતું શહેર

ગગનચુંબી હોત

ખબર નથી

લોકો શા માટે

ઘરની માફક

પોતાના નગરને પ્રેમ નથી કરતાં?

વિચારું છું

જે દિવસે હું મેયર થઈશ

તે દિવસે ચોક્કસ આ બધું હશે.

પરંતુ હાલ તુરતમાં મને

ઉનાળા માટે

એક ટેબલફેન જોઈએ છે.

આખા શહેર માટે નહીં

મારા ત્રણ ઓરડાવાળા

ઘર માટે,

કે જે

તપીને નગર બની ગયું છે.

અને હું તેને ઘર બનાવવા ઇચ્છું છું.

(અનુ. ઉર્વશી સુરતી)

jo hu meyor Hot