અબોલા લઈ હું તો અળગી બેઠી

અબોલા લઈ હું તો અળગી બેઠી

હવે રે'વાઈ ન સે'વાઈ સૈ;

ભમરાળી કેમ મને કમત સૂઝી

હું જાણું નૈ કૈ કે'તા કૈ,

આંખ્યુંના ખૂણેથી નીરખ્યા કરું

મારા સાયબાને દિન-રાત;

એકવાર ચડશે ચડી ગઈ પછી

કેમ નીકળે મોઢેથી વાત;

શમણે આવે તો મનાવી લઉં પણ

નભાઈ નીંદર વેરણ થૈ;

ઘણુંય થાય મૂઈ જીદ મેલીને

ઓરડેથી પાડું હું સાદ;

હૈયામાં ત્યાં તો હિલોળા ઉઠે

પણ જીભને નડે મરજાદ;

બાધા આખડી માનતા માની

જો છૂટે અબોલા મારી બૈ.

abola laii hun to algii bethii