રેખ્તા
હિન્દવી
સૂફીનામા
રાજસ્થાની
ઢૂંકડા લગ્નનું ગીત
DhunkDa lagnanun geet
નિરંજન યાજ્ઞિક
નિરંજન યાજ્ઞિક
પિંજરમાં હોય એને પોપટનું નામ
અને આંખોમાં હોય એને? બોલ,
સખી પાદરમાં વાગે છે ઢોલ!
તોરણમાં હોય એને મોર કે’વાય
અને ઊંબરમાં હોય એને? બોલ
સખી શેરીમાં વાગે છે ઢોલ!
મારું હોવું તે આજ કમ્મળનું ફૂલ અહીં
કાલ કોણ ખીલવાનું? બોલ
સખી આંગણિયે વાગે છે ઢોલ!
ફળિયામાં ઊડે એ લાગે ગુલાલ
અને આંખોમાં તબકે એ? બોલ
સખી હૈડામાં વાગે છે ઢોલ?
સ્રોત
- પુસ્તક : સાત અક્ષર (પૃષ્ઠ ક્રમાંક 27)
- સર્જક : નિરંજન યાજ્ઞિક
- પ્રકાશક : પાર્શ્વ પ્રકાશન
- વર્ષ : 1993