દીકરી જન્મ્યાનું ગીત

મારમાર ઉનાળે લ્હાય લ્હાય તાપમાં

જડતી રે પાણીની ઠીકરી.

દીકરી આવી છે મને દીકરી.

મેશનું કરું હું એને કાળું તે ટપકું ને,

બોખા મોઢે એ સ્હેજ હસતી.

કોઈ દી’ મેં દાદાને હસતા ના જોયા,

એ કરતા રે ગેલ અને મસ્તી.

મોટી થઈને મને રાખશે રે એમ

જેમ માળામાં બચ્ચાને સુગરી.

દીકરી આવી છે મને દીકરી.

દીકરાનો દલ્લો તો લાગ્યો ના હાથ કાંઈ,

એમ કહ્યું કડવી તે ફોઈએ.

એવી મિરાતની શું રે વિસાત

મારે બદલીમાં ઈશ્વર નહીં જોઈએ

એને રમાડુ હું રાત અને દી’,

નથી કરવી રે કોઈની’ય નોકરી.

દીકરી આવી છે મને દીકરી.

dikri janmyanu geet