શામળાજી કરજો મારી સહાય

શામળાજી, કરજો મારી સહાય રે,

વ્હાલા ગરુડે ચઢીને વે'લા આવજો રે

શ્યામ સલૂણા સુભદ્રાના વીર રે

આ દીન બાળાની લાજ દયાળુ રાખજો રે...

છોગાળો છે વાત છેલી, નથી મારું કોઈ બેલી,

વા'લા તુજ ગુણની ઘેલી, દાસી દુઃખમાં ડૂબેલી,

દુઃખની દાદ ને ફરિયાદ અંતર લાવજો રે...

કૌરવ કર્મ ચંડાળ દુઃશાસન નિર્દય અરે,

જોતાં પાંચ ભર્તાર પાપી પટકૂળ તાણતો,

વા'રે આવો ને દયા દિલ લાવો ને…

નાથ છું અનાથ નારી, ભરોસો છે ભૂધર ભારી,

જેવી તેવી છું તમારી, વા'લા દેશો ના વિસારી

મને હળધરજીના વીર આવી ઉગારજો રે વ્હાલા...

shaamlajii karjo maarii sahaay