કિનારા કંઈ નથી કહેતા

ફિઝાં ખામોશ છે જાણે નઝારા કંઈ નથી કહેતા,

જિગર બેચેન છે તોયે સિતારા કંઈ નથી કહેતા.

સફરમાં પણ દિલાસો એટલો અમને નથી મળતો,

છે મંજિલ કેટલી છેટે, ઉતારા કંઈ નથી કહેતા.

વમળ કેરી થપાટોએ ફગાવાઈ છે આરે, પણ-

અમારી નાવ ક્યાં ડૂબી, કિનારા કંઈ નથી કહેતા.

જીવનની અલ્પતાનો મર્મ પામી જાત સૌ કિંતુ,

ઉઘાડા હાથ લઈ જગથી કંઈ નથી કહેતા.

પ્રણયમાં હોય ના ફરિયાદ ‘સાલિક' જો પતંગોને,

જીવન બાળી, શમાને ભેટનારા કંઈ નથી કહેતા.

kinara kani nathi kaheta