રેખ્તા
હિન્દવી
સૂફીનામા
રાજસ્થાની
પ્રથા ઇન્તેજારની
pratha intejarni
શૂન્ય પાલનપુરી
શૂન્ય પાલનપુરી
સારું થયું ફગાવી પ્રથા ઇન્તેજારની
કેવી હવે મજા છે વ્યથા-મુક્ત પ્યારની?
એ તો નિશાચરોનો વિષય છે ઓ દોસ્તો!
સૂરજ કદી ન વાત કરે અંધકારની
વેચાયેલાં ગુલોની કોઈ ચાલ તો નથી?
ક્યાંથી ઘૂસી બહાર ચમનમાં બહારની?
તારો ને મારો મેળ નહીં ખાય ઓ તબીબ,
મુજને પડી દરદની, તને સારવારની.
શું જોઈ લોક શૂન્યને બોલાવતા હશે?
ગજવે છે ક્યાં હવે એ સભાઓ પ્રચારની?
સ્રોત
- પુસ્તક : ઉત્તરાયણ (પૃષ્ઠ ક્રમાંક 55)
- સંપાદક : દીપક મહેતા
- પ્રકાશક : નેશનલ બુક ટ્રસ્ટ, ઇન્ડિયા
- વર્ષ : 2008