રેખ્તા
હિન્દવી
સૂફીનામા
રાજસ્થાની
તોરણ ગુંથાય એવા છે
toran gunthay ewa chhe
સ્નેહી પરમાર
સ્નેહી પરમાર
એકના બે ન થાય એવાં છે
તોય મોહી પડાય એવાં છે
હાથ ઝાલે તો એના આધારે
ઊંચે ઊડી શકાય એવાં છે
ખૂબ ટૂંકો પનો છે ચાદરનો
એ ય એમાં સમાય એવાં છે
માર્ગ કેવા છે એની જુલ્ફોના
હાથ સોનાના થાય એવા છે
એની સાથેના અણબનાવો પણ
એક તોરણ ગુંથાય એવા છે.
સ્રોત
- પુસ્તક : યદા તદા ગઝલ (પૃષ્ઠ ક્રમાંક 35)
- સર્જક : સ્નેહી પરમાર
- પ્રકાશક : રંગદ્વાર પ્રકાશન
- વર્ષ : 2015