આકરુ તે ગામને

આકરુ તે ગામને ગોંદરે બે નાળિયેરી

ઘરડો બળદ વેચાય બે નાળિયેરી

જઈ જીવાભાઈ મૂલવે બે નાળિયેરી

તખુ વહુ કહે મારો બાપ બે નાળિયેરી

બાપ બાપ કરતા નીસર્યા બે નાળિયેરી

બાપે શીંઘડ ફેરવ્યા બે નાળિયેરી

ભાંગ્યા હડબા હોઠ બે નાળિયેરી

આકરુ તે ગામને ગોંદરે બે નાળિયેરી

ઘરડી ભેંસ વેચાય બે નાળિયેરી

જઈ બેચરભઈ મૂલવે બે નાળિયેરી

લીલા વહુ કહે મારેલી બે’ન બે નાળિયેરી

બે’ન બે’ન કરતા નીસર્યા બે નાળિયેરી

બેને શીંઘડ ફેરવ્યા બે નાળિયેરી

ભાંગ્યા હડબા હોઠ બે નાળિયેરી

આકરું તે ગામને ગોંદરે બે નાળિયેરી

પુસ્તક : ગુજરાતી લોકસાહિત્યમાળા – મણકો– ૨ (પૃષ્ઠ ક્રમાંક 128)
સંપાદક : ગુજરાત લોકસાહિત્ય સમિતિ (ઉમાશંકર જોશી, પુષ્કર ચંદરવાકર, સુધા દેસાઇ, મંજુલાલ ર. મજમૂદાર, મધુભાઈ પટેલ, લાલચંદ ધૂળાભાઈ નીનામા, જોરાવરસિંહ જાદવ.
પ્રકાશક : ગુજરાત લોકસાહિત્ય સમિતિ, અમદાવાદ
વર્ષ : 1959

akaru te gamne