ધ્રણ્યનો સસરો ઘડાવે

ધ્રણ્યનો સસરો ઘડાવે ધ્રણ્યને મોતીસળી. (ટેક)

એમના પાણિયારામાં બેડાં છે, વહુ-દીકરીને તેડાં છે.

કાલે ઘડાવું ધ્રણ્યને મોતીસળી. .......ધ્રણ્યનો. (1)

એમના પાણિયારામાં પાન છે, વહુ-દીકરીને માન છે,

કાલે ઘડાવું ધ્રણ્યને મોતીસળી. .....ધ્રણ્યનો. (2)

એમના ઘરમાં સોવા સૂપડું, રહેવા માટી-ઝૂંપડું,

કાલે ઘડાવું ધ્રણ્યને મોતીસળી. .....ધ્રણ્યનો. (3)

એમના ઘરમાં છે ઘંટી, ખાવાને છે બંટી,

કાલે ઘડાવું ધ્રણ્યને મોતીસળી. .....ધ્રણ્યનો. (4)

સીમંતિનીનો શ્વસુર પક્ષ આ ગીત ગાય ત્યારે મહિયર પક્ષ આ ગીતમાંની જ બધી પંક્તિઓ ઉલટાવીને ગાય છે. દા. ત. :-

એમના પાણિયારામાં બેડાં નૈં, વહુ-દીકરીને તેડાં નૈં,

ક્યાંથી ઘડાવે ધ્રણ્યને મોતીસળી? .....ધ્રણ્યનો.

પુસ્તક : ગુજરાતી લોકસાહિત્યમાળા – મણકો– ૨ (પૃષ્ઠ ક્રમાંક 1)
સંપાદક : ગુજરાત લોકસાહિત્ય સમિતિ (ઉમાશંકર જોશી, પુષ્કર ચંદરવાકર, સુધા દેસાઇ, મંજુલાલ ર. મજમૂદાર, મધુભાઈ પટેલ, લાલચંદ ધૂળાભાઈ નીનામા, ગજાનન વિ. જોશી
પ્રકાશક : ગુજરાત લોકસાહિત્ય સમિતિ, અમદાવાદ
વર્ષ : 1959

dhranyno sasro ghaDawe