એનાં ઓડિયાંમાં પેઠો સાપ

એનાં ઓડિયાંમાં પેઠો સાપ, લાલ હિંદવાણી

એ તો .....વહુનો બાપ, લાલ હિંદવાણી

એના ચોટલામાં પેટો ચોર, લાલ હિંદવાણી

એના અંબોડે ઘૂમતો મોર, લાલ હિંદવાણી

એના માદળિયામાં એક ચિઠ્ઠી, લાલ હિંદવાણી

એને કામણ કરતાં દીઠી, લાલ હિંદવાણી

એ તો ક્યા ભાઈની નાર, લાલ હિંદવાણી

એ તો ફલાણા ભાઈની નાર, લાલ હિંદવાણી

ખતરણ વાડાની ખતરણ, લાલ હિંદવાણી

એ તો આવીને ગેઠી ગોખ, લાલ હિંદવાણી

એ તો .....ની શોક્ય, લાલ હિંદવાણી

.....છાની મીઠાઈ લાવે, લાલ હિંદવાણી

પેલી ખતરણને ખવરાવે, લાલ હિંદવાણી

.....વહુ બારીએ બેસી રુએ, લાલ હિંદવાણી

એ સાસુ આંસુ લુએ, લાલ હિંદવાણી

વહુ-વરની આવડી શી પેર, લાલ હિંદવાણી

ખતરણ કાલે જાશે ઘેર, લાલ હિંદવાણી

આપણે કરશું લીલાલહેર, લાલ હિંદવાણી

પુસ્તક : ગુજરાતી લોકસાહિત્યમાળા – મણકો– ૨ (પૃષ્ઠ ક્રમાંક 98)
સંપાદક : ગુજરાત લોકસાહિત્ય સમિતિ (ઉમાશંકર જોશી, પુષ્કર ચંદરવાકર, સુધા દેસાઇ, મંજુલાલ ર. મજમૂદાર, મધુભાઈ પટેલ, લાલચંદ ધૂળાભાઈ નીનામા, મનુભાઈ જોધાણી.
પ્રકાશક : ગુજરાત લોકસાહિત્ય સમિતિ, અમદાવાદ
વર્ષ : 1959

enan oDiyanman petho sap