પથ્થરના પડથાર

વનમાં વનફૂલ વીણે સીતા ને રામ સ્નેહે વસે છે.

વનમાં રામેં મઢી બનાવી,

ત્યાં વસે સીતા ને રામ, સીતા ને રામ પ્રીતે વસે છે;

વનમાં વનફૂલ વીણે, સીતા ને રામ સ્નેહે વસે છે.

વે’તી ગોદાવરીને કાંઠે વસે છે,

વનમાં કીધાં છે વાસ, સીતા ને રામ પ્રીતે વસે છે;

વનમાં વનફૂલ વીણે, સીતા ને રામ સ્નેહે વસે છે.

ગાદી ને તકીયા વનમાં જ ક્યાંથી?

પથ્થરના છે પડથાર, સીતા ને રામ પ્રીતે વસે છે;

વનમાં વનફૂલ વીણે, સીતા ને રામ સ્નેહે વસે છે.

મેડી ને મોલાત વનમાં જ ક્યાંથી?

ઝુંપડીમાં કીધા વાસ, સીતા ને રામ પ્રીતે વસે છે;

વનમાં વનફૂલ વીણે, સીતા ને રામ સ્નેહે વસે છે.

ભાવતાં ભોજન વનમાં જ ક્યાંથી?

વનફળ વીણી ખાય, સીતા ને રામ પ્રીતે વસે છે;

વનમાં વનફૂલ વીણે, સીતા ને રામ સ્નેહે વસે છે.

દાસ ને દાસીયું વનમાં જ ક્યાંથી?

ભીલડાંના છે સાથ, સીતા ને રામ પ્રીતે વસે છે;

વનમાં વનફૂલ વીણે, સીતા ને રામ સ્નેહે વસે છે.

સગાં ને વા’લા વનમાં જ ક્યાંથી?

સાથે છે ઝાડવાનાં ઝુંડ, સીતા ને રામ પ્રીતે વસે છે;

વનમાં વનફૂલ વીણે, સીતા ને રામ સ્નેહે વસે છે.

wanman wanphul wine sita ne ram snehe wase chhe

wanman ramen maDhi banawi,

tyan wase sita ne ram, sita ne ram prite wase chhe;