સેમાડે ગઈ તારે

સેમાડે ગઈ તારે હોલો રે બોલ્યો,

ગોળાની મારનારી આવી હો. ફૂદી લો.

ભાગોળે ગઈ તારે કૂતરું ભસ્યું,

બૂહલાની મારનારી આવી હો. ફૂદી લો.

નેવે રે આવી તારે ચકલી બોલી,

માળાની પાડનારી આવી હો. ફૂદી લો.

ઘરમાં ગઈ તારે ઉંદર બોલ્યા,

ઉંદરની ઝાલનારી આવી હો. ફૂદી લો.

પુસ્તક : ગુજરાતી લોકસાહિત્યમાળા – મણકો–1 (પૃષ્ઠ ક્રમાંક 219)
સંપાદક : ગુજરાત લોકસાહિત્ય સમિતિ (ઉમાશંકર જોશી, પુષ્કર ચંદરવાકર, સુધા દેસાઇ, મંજુલાલ ર. મજમૂદાર, મધુભાઈ પટેલ, લાલચંદ ધૂળાભાઈ નીનામા, જગજીવનદાસ દયાળજી મોદી અને જગમોહન મોદી
પ્રકાશક : ગુજરાત લોકસાહિત્ય સમિતિ, અમદાવાદ
વર્ષ : 1957

semaDe gai tare