તેડા

રાઠોડ જયમલને મીરાં એક દીકરી રે,

મીરાંબાઈનું સગપણ રાણાની સાથ રે;

મીરાંબાઈ જયમલ રાઠોડની દીકરી રે.

મીરાંબાઈને રાણોજી તેડાં મોકલે રે,

મીરાંબાઈ ઉતારા કરતાં જાવ રે;

મીરાંબાઈ જયમલ રાઠોડની દીકરી રે,

ઉતારા નહિ કરીએ અમે રાજમાં રે,

જાય મારે સાધુડાંનો સાથ રે

મીરાંબાઈ જયમલ રાઠોડની દીકરી રે.

રાઠોડ જયમલને મીરાં એક દીકરી રે,

મીરાંબાઈનું સગપણ રાણાની સાથ રે;

મીરાંબાઈ જયમલ રાઠોડની દીકરી રે.

મીરાંબાઈને રાણોજી તેડાં મોકલે રે,

મીરાંબાઈ દાતણ કરતાં જાવ રે;

મીરાંબાઈ જયમલ રાઠોડની દીકરી રે,

દાતણ નહિ કરીએ અમે રાજમાં રે,

જાય મારે સાધુડાંનો સાથ રે

મીરાંબાઈ જયમલ રાઠોડની દીકરી રે.

રાઠોડ જયમલને મીરાં એક દીકરી રે,

મીરાંબાઈનું સગપણ રાણાની સાથ રે;

મીરાંબાઈ જયમલ રાઠોડની દીકરી રે.

મીરાંબાઈને રાણોજી તેડાં મોકલે રે,

મીરાંબાઈ નાવણ કરતાં જાવ રે;

મીરાંબાઈ જયમલ રાઠોડની દીકરી રે.

નાવણ નહિ કરીએ અમે રાજમાં રે,

જાય મારે સાધુડાંનો સાથ રે;

મીરાંબાઈ જયમલ રાઠોડની દીકરી રે.

રાઠોડ જયમલને મીરાં એક દીકરી રે,

મીરાંબાઈનું સગપણ રાણીની સાથ રે;

મીરાંબાઈ જયમલ રાઠોડની દીકરી રે.

મીરાંબાઈને રાણોજી તેડાં મોકલે રે,

મીરાંબાઈ ભોજન કરતાં જાવ રે

મીરાંબાઈ જયમલ રાઠોડની દીકરી રે.

rathoD jayamalne miran ek dikri re,

mirambainun sagpan ranani sath re;