રેખ્તા
હિન્દવી
સૂફીનામા
રાજસ્થાની
માછીડા રે હોડી હલકાર, મન છે મળવાનું.
તારી રે હોડીએ હીરલા જડાવું, ફરતી મૂકાવું ઘુઘરમાળ; મન છે૦
સુનાં બી દઉંગી ને રૂપાં બી દઉંગી, દઉંગી ગલનકો હાર; મન છે૦
આણી તીરે ગંગા ને પેલી તીરે જમના, બિચમે ખડો રે નંદલાલ; મન છે૦
મન કરું મછુંવો ને તન કરું તછુંઓ, જીવ મૂકું રે રખવાળ; મન છે૦
શાંતિદાસનો સ્વામી રસિક શિરોમણિ, કૃષ્ણજી ઉતારે પેલે પાર; મન છે૦
સ્રોત
- પુસ્તક : કાવ્યસંચય-૧ (પૃષ્ઠ ક્રમાંક 171)
- સંપાદક : અનંતરાય મ. રાવળ, હીરા રામનારાયણ પાઠક
- પ્રકાશક : ગુજરાતી સાહિત્ય પરિષદ
- વર્ષ : 1981