વૈરાગનાં વછોયાં રે

વૈરાગનાં વછોયાં રે

વૈરાગનાં વછોયાં રે, ભવે ભેળાં નૈ મળે રે.

સાધનાં વછોયાં રે, ભવે ભેળાં નૈ મળે રે.

વેલ્વેથી વછૂટ્યું રે, સખી! એક પાંદડું રે,

ઈ રે પાંદડું ભવે રે ભેળું નહિ થાય. - વૈરાગનાં૦

બેલીડાની સંગે રે, બજારુંમાં મા'લતા રે,

એ જી બેલીડા થિયા છે બેદિલ હવે આજ. – વૈરાગનાં૦

હૈયામાં હોળી રે ખાંતીલો ખડકી ગિયો રે,

એવી હોળી પ્રગટી છે આ પંડમાંય,

ઝાંપે ઝાળું લાગી રે સખી! એને દેખતાં રે,

ઈ રે અગનિ કેમ રે કરી ઓલાય. - વૈરાગનાં૦

મેરામણ માયાળુ રે, બચળાં મેલ્યાં બેટમાં રે,

ઈ રે પંખીડાં ઊડી રે હાલ્યાં પરદેશ,

આઠ નવ માસે રે, આવી બચ્ચાં ઓળખ્યાં,

સૌએ સૌની આવીને લીધી સંભાળ. - વૈરાગનાં

પાટાનો બાંધનારો રે, ઈ શું જાણે પીડને રે,

એવી પીડા પ્રગટી છે આ અંગ માંય,

લખમો માળી કે' છે રે આપવીતી વીનવું રે,

દેજો અમને સાધુને ચરણે વાસ. - વૈરાગનાં૦

vairagna vachhoyaa re